झापा, चैत १४ । मेचीनगर ३ स्थित नव ज्योति युवा क्लबको आयोजनामा जारी मेचीनगर वडा स्तरीय फुटबल प्रतियोगिताको आज भएको दोस्रो क्वाटरफाईनल खेलमा वडा नम्बर ६ बिजयी भएको छ ।
नव ज्योति निमाविको खेल मैदानमा आज भएको दोस्रो क्वाटर पाइनल खेलमा वडा नम्बर १२ लाई सडनडेथमा ५–४ को गोल अन्तरले पराजित गर्दै वडा नम्बर ६ सेमीफाइनलमा पुग्न सफल भएको छ । निर्धारित समयमा दुबै टिमले बराबरी खेले पछि खेल टाइब्रेकरमा गएको थियो । टाइब्रेकरमा समेत दुबै टिमको बराबरी भएपछि नतिजा सडनडेथका आधारमा गरिएको थियो ।
भोली हुने तेस्रो क्वाटर फाइनल खेलमा वडा नम्बर १ र वडा नम्बर १३ बीच प्रतिस्पर्धा हुने आयोजक समितिले जानकारी दिएको छ । जारी प्रतियोगिताको फाइनल खेल चैत २० गते हुनेछ । प्रतियोगितामा विजेता टिमले नगद २० हजार उप विजेता टिमले नगद १० हजार सहित ट्रफि, मेडल र प्रमाण पत्र पाउने छन् ।
