काठमाण्डौं, श्रावण १३ । सोमबार (आज) साँझसम्म कक्षा १२ को नतिजा आउने भएको छ । राष्ट्रिय परीक्षा बोर्डका अनुसार माध्यामिक शिक्षा उर्तिण कक्षा १२ को नतिजा आज साँझ पाँच बजेसम्म प्रकाशन गर्ने भएको हो ।
नतिजा प्रकाशनका लागि बोर्ड बैठक बोलाइएको र सबै विषयको नतिजा प्रकाशन गर्ने बोर्डले जनाएको छ ।
प्राविधिकसहितको उपस्थितिमा आइतबार नतिजाको शुद्धता परीक्षण गरिएको थियो । परीक्षणमा गल्ती नभेटिएकाले आज नतिजा प्रकाशन गर्ने तयारी गरिएको बोर्डले बताएको छ ।
गत वैशाखमा सम्पन्न परीक्षामा मुलुकभरबाट चार लाख परीक्षार्थी सहभागी थिए। बोर्डले विगतमा विज्ञान विषयको नतिजा सुरुमा र केही समयपछि मात्र अन्य विषयको नतिजा प्रकाशन गर्दै आएको थियो।
