काठमाण्डौं, कात्तिक ६ । जनकपुरमा एकजनाको गोली हानी हत्या गरिएको छ । जनकपुरधाम उपमहानगपालिका १ का अन्दाजी ४० बर्षीय मनोज साहको गोली हानी हत्या गरिएको प्रहरीले जानकारी दिएको छ । जनकपुरको मुजेलियामा स्थानीय पंकज चौधरीले पेस्तोलबाट प्रहार गरेको गोली लागेर साहको घटनास्थलमै मृत्यु भएको हो ।
साह जनकपुरस्थित शिव आयल पेट्रोल पम्पका सञ्चालक हुन् । साहको शव पोष्टमार्टमका लागि जनकपुर अञ्चल अस्पतालमा राखिएको छ । उनीमाथि पैसा माग्न जाँदा चौधरीले गोली हानेको प्रारम्भिब अनुसन्धानमा खुल्न आएको छ । चौधरीलाई प्रहरीले पेस्तोलसहित घरैबाट नियन्त्रणमा लिएर आवश्यक अनुसन्धान सुरु गरेको छ ।
