झापा, कात्तिक ७ । साझा मनोरञ्जन संस्था मेचीनगरले शुभदिपावली पर्वको सन्दर्भ पारेर शुक्रबार सांस्कृतिक साँझ कार्यक्रम आयोजना गर्ने भएको छ ।
मेचीनगर–८ स्थित मेची विद्योदय प्राविको प्राङ्गगणमा हुने उक्त कार्यक्रमको मुख्य सह आयोजकमा दियालो युवा परिवार मेचीनगर र सह आयोजकमा मेचीनगर–८ सम्पूर्ण टोल विकास संस्था र संघसंस्था रहनेछन् ।
कार्यक्रमलाई सभ्य, भव्य र व्यवस्थित रुपमा सम्पन्न गर्न समितिको संयोजक विष्णु भट्टराई र सहसंयोजक सुरेश भट्टराईको नेतृत्वमा आयोजक समितिले कार्य अगाडी बढीरहेको छ । त्यसै गरी आयोजक समितिले विभिन्न उपसमिति समेत गठन गरी कार्य सम्पादन गरी रहेको छ ।
कार्यक्रममा राष्ट्रिय चर्चित गायक तथा बरिष्ठ संगीतकार टिका भण्डारी, राष्ट्रिय कलाकार श्रीकृष्ण लुईटेल (बोकेदाह्री), राष्ट्रिय कलाकार विशालदेव श्रेष्ठ, वाइजीएम रोशन, अग्रज कलाकार गम्भीरध्वज थापा, पुजा आचार्य, प्रतिक्षा आचार्य, अञ्जली राई, सम्झना लिम्बु, रोशा फूयाँल, तिलक मैनाली, प्रेम लिम्बूलगायतका कलाकारहरुको बेजोड प्रस्तुति रहने कलाकार व्यवस्थापा समितिका सहसंयोजक मुकुन्द भट्टराईले जानकारी दिए।
