युवराज आचार्य
झापा, फागुन २२ । मेचीनगर–४ स्थित बाहुनडाँगी बजारमा जारी बाहुण्डाँगी संगीत तथा पर्यटन महोत्सवमा बुधवार साझ लाहुरेलाई हेर्न आउने दर्शकहरुको थामी नसक्नु घुईचो थियो । आयोजकलाई दर्शक व्यवस्थापन गर्न झण्डै हम्मे हम्मे पर्यो ।
भिडियो हेर्न तलको लिंक क्लिक गर्नु होला ।
ग्रामीण क्षेत्रमा पनि लाहुरेको यस्तो क्रेज देखेर आयोजक समेत छक्क परेको छ । महोत्सवको पाचौं दिनसम्म आई पुग्दा दर्शकहरु दिन प्रतिदिन बढ्दो छ । यो क्रम महोत्सव समाप्त हुने दिन सम्म जारी रहने आंकलन आयोजकले गरेको छ । यसले आयोजकलाई थप हौसला मिलेको आयोजक बाहुण्डाँगी जेसीज २०२० का अध्यक्ष सागर कार्कीले बताए ।
बाहुण्डाँगी बजारमा बाहुण्डाँगीवासीको मोत्सव निरन्तरताको मागलाई नकार्न नसकेको आयोजक बाहुण्डाँगी जेसीजले छोटो समयमा आयोजना गरेको महोत्सव यतिबेला सफल भईरहेको सबैले आंकलन गरेका छन् । फागुन १७ देखि २३ गतेसम्म सञ्चालन भई रहेको महोत्वलाई दर्शकले पनि भरपुर साथ दिईरहेको महोत्सव आयोजक समितिका संयोजक प्रविण भण्डारीले बताए ।
महोत्सवको पाचौं दिन बुधवार साझ ख्यातीप्राप्त राष्ट्रिय कलाकार लाहुरेले तन्देरी युवा युवतीलाई कार्यक्रम अवधिभरी नचाएका थिए । महोत्सवमा सुरविर पण्डीत (दाह्री बा), बेजम नेपाली (भटभटे माईला)संगै स्थानिय कलाकारहरूले पनि आफ्नो प्रस्तुति राखेका बाहुण्डाँगी जेसीज २०२० का बरिष्ठ उपाध्यक्ष देबु बानियाले जानकारी दिए ।
कार्यक्रम सञ्चालन चर्चित उद्घोषकद्वय राजेश घतानी र नारायण कडरीयाले संयूक्त रुपमा गरेका थिए ।
