काठमाडौं, फागुन १४ । आर्सनल युरोपा लिगको अन्तिम १६ मा प्रवेश गरेको छ ।
विहीबार राति भएको खेलमा बेनफिकामाथि ३–२ गोल अन्तरको जीत दर्ता गर्दै आर्सनल अन्तिम १६ मा प्रवेश गरेको हो । आर्सनलको जीतमा पिएरे एमब्रिकले २ गोल गर्दा काइरन टेरेमीले एक गोल थपेका थिए । डिएगो गोनकाल्भ र राफेल सिल्भाले एक एक गोल फर्काएका थिए ।
यस्तै, अर्को खेलमा एसी मिलान भने सर्बियाको क्रेना भेज्दासँग बराबरी खेले पनि अवे गोलका आधारमा अर्को चरणमा छनोट भएको हो । लेस्टर सिटी भने चेक रिपब्लिकको स्लाभिया प्राहासँग आफ्नै मैदानमा २–० ले पराजित हुन पुग्यो ।
