मेचीनगर । नेकपा एमाले मेचीनगर ८ वडा कमिटीले यस बर्षको शुभ दिपावलीको अवसरमा देउसी खेल्ने भएको छ । नेपालीहरूको दोस्रो ठुलो चार्ड तिहारमा परम्परागत रूपमा पुस्तौंदेखि खेलिदैं आएको देउसी यस पटक वडा कमिटीले सामुहिक रूपमा खेल्न लागेको एमाले मेचीनगर ८ वडा कमिटी अध्यक्ष मिलन विश्वकर्माले जानकारी दिए ।
उनले नेपालीहरूको पुरानो कला संस्कृतिको रूपमा रहेको देउसी-भैलो जगेर्ना गर्न सामुहिक रूपमा नै वडा कमिटी लागि परेको बताए । यस किसमका क्रियाकलापले समाजमा सकरात्मक सन्देश प्रवाह गर्नुका साथै चाडपर्वमा समाजमा एक अर्का प्रतिको भाइचारा कायम राख्ने विश्वास लिइएको उनको भनाइ छ ।
आज र भोलि सञ्चालन हुने सामुहिक देउसी कार्यक्रममा स्थानीय जनप्रतिनिधि, मेचीनगर ८ मा रहेका एमाले जिल्ला, नगर तथा वडा कमिटीका पदाधिकारी र शुभचिन्तकहरूको सहभागीता रहने छ ।
पर्शुराम गिरी संयोजक तथा सुष्मा धिमाल उपसंयोजक रहेको छ ।