झापा । अत्यधिक चिसो बढेपछि झापाका चारवटा पालिकाले विद्यालय बन्द गरेका छन् ।
केही दिनदेखिको शितलहरका कारण मेचीनगरसहित बिर्तामोड नगरपालिका, बाह्रदशी गाउँपालिका र झापा गाउँपालिकाले बुधबारदेखि तीन दिनसम्म विद्यार्थीहरुलाई जाडोको विदा दिएका हुन् ।
जाडो अत्यधिक बढेकोले आजदेखि पुष १८ गतेसम्म हिउँदे/वर्षे विदाबाट कट्टा हुनेगरी विद्यालयका अन्य कार्यक्रम बाहेक नियमित पठनपाठन बन्द गरिएको सूचना निकालेर पालिकाहरुले जनाएका छन् ।
जिल्लाका अन्य पालिकाहरुले पनि मौसम हेरेर जाडोको विदा दिने तयारी गरेका छन् ।
