झापा, असोज १५ । झापामा बिहिबार थप दश जनामा कोरोना भाइरस संक्रमण पुष्टि भएको छ।यससंगै झापामा संक्रमितको संख्या ८८० पुगेको छ ।
आज संक्रमण पुष्टि हुनेहरुमा स्वास्थ्यकर्मी, सुरक्षाकर्मीसहित स्थानीय रहेका छन् । जसमा पाँच जना महिला र पाँच जना पुरुष रहेका छन्।
बिहीबार थपिएका संक्रमितहरु अर्जुनधाराका दुई पुरुष, बिर्तामोडका दुई महिला दुई पुरुष, गौरादहका एक महिला र कन्काईका दुई महिला र एक पुरुष रहेको स्वास्थ्य कार्यालय झापाका फोकल पर्सन जीवन चौंलागाईले बताए ।
बिर्तामोडमा संक्रमण पुष्टि भएका एक जना इटहरी ठेगाना भएका सुरक्षाकर्मी रहेको, अर्जुनधारमा संक्रमण पुष्टि भएका एक जनाको स्वाब कोशी अस्पतालबाट र गौरादहमा संक्रमण पुष्टि भएका एक जनाको स्वाब नोबेल मेडिकल कलेजबाट संकलन गरिएको चौंलागाईले जानकारी दिए ।
विर्तामोडमा संक्रमण पुष्टि भएकाहरूमा संजीवनी अस्पतालका एक जना चिकित्सक र इलाका प्रहरी कार्यालय अनारमनीका प्रहरी नायव निरीक्षक रहेका विर्तामोड नगरपालिकाले जनाएको छ।
झापामा कुल डिचार्ज हुनेको संख्या ७८९ पुगेको छ। हाल झापामा सक्रिय संक्रमितको संख्या ८३ छ भने कोरोनाबाट हाल सम्म झापामा ८ जनाको मृत्यु भइसकेको छ।
