बाहुण्डाँगी । १ सय १३ औ नारी दिवसको पुर्व सन्ध्यामा आज सोमबार मेचीनगर लेडी जेसीजको आयोजनामा मेचीनगर स्तरीय अन्तनर मा।वि क्षात्रा वक्तित्वकला प्रतियोगिता सम्पन्न भएको छ । “ महिला प्रति विभेदरहित व्यवहार उन्नतशिल समाजको आधार ” विषयक वक्तित्वकला प्रतियोगितामा मेचीनगरका ५ वटा बिधालयहरुका क्षात्राहरुको सहभागिता रहेको थियो ।
प्रतियोगितामा होलीवेल ईङ्ग्लीस स्कुल धुलाबारीकी क्षात्रा सगुन तोलांगीले प्रथम स्थान हाशिल गर्नुभएको छ भने कविशिरोमणि मा।वि की उषा निरौलाले दोस्रो र धुलाबारी मा।वी की क्षत्रा दिक्षा प्याकुरेलले तेस्रो स्थान हाशिल गर्नुभएको छ । त्यस्तै चौथो ईस्ट होराईजन ईंग्लीस हाई स्कुलकी अर्पना पौडेल र पाचौ स्थान दसरथचन्द माविले हाशिल गरेको थियो ।
प्रतियोगितामा प्रथम, दोस्रो र तेस्रो हुनेलाई सम्मान पत्र तथा मायाको चिनो प्रदान गरिएको थियो । मेचीनगर लेडी जेसिजकी अध्यक्ष रश्मि थापाको सभापतित्व तथा मेचीनगर उपप्रमुख मिना पोख्रेल उप्रेतीको प्रमुख आतिथ्यतामा भएको कार्यक्रममा आश्था वाचन लेडि जेसिजकी उपाध्यक्ष शान्ति पराजुलीले गर्नुभएको थियो । कार्यक्रम संयोजक तथा लेडी जेसिजकी कार्यकारीणी उपाध्यक्ष पवित्रा विमली प्रसाइले स्वागत गर्नुभएको कार्यक्रमको सञ्चालन माहासचिव सविता पोख्रेलले गर्नुभएको थियो ।
