काठमाडौं, भदौ २७ । नेपालमा शनिबार थप एक हजार २०१ जना कोरोना भाइरस कोभिड–१९ का संक्रमित थपिएका छन् ।
आज थपिएको संख्यासँगै हालसम्म नेपालमा ५३ हजार १ सय ११ जनामा कोरोना पुष्टि भएको हो । पछिल्लो २४ घन्टामा देशभर १० हजार १ सय ७६ जनाको पीसीआर परिक्षण गरिएको जनाइएको छ ।
स्वास्थ्य मन्त्रालयले नियमित गर्दै आएको कोरोना अपडेटमा स्वास्थ्य मन्त्रालयका प्रवक्ता डा.जागेश्वर गौतमले उक्त कुरा बताएका हुन् ।
नेपालमा पछिल्लो २४ घण्टामा थप १४ जनाको कोरोना भाइरसको संक्रमणका कारण मृत्यु भएको छ । योसँगै नेपालमा कोरोनाले ज्यान गुमाउनेको संख्या ३३६ पुगेको छ ।
हालसम्म कोरोना संक्रमणबाट मुक्त हुनेको संख्या ३७ हजार ५ सय २४ पुगेको छ ।
