✍सन्तोष थाम्सुहाङ
इलाम चुलाचुली गाउँपालिकाका कृषकहरूले वर्षभरि खानको लागि लगाएको अन्नबाली (धान) भित्राउने समयमा फौजी कीराले अत्यधिक मात्रामा नष्ट गरी क्षति पुर्याएको हुँदा यसको न्यूनीकरण एवं निवारण गर्न नेपाल कम्युनिष्ट पार्टी (एमाले) चुलाचुली पालिका कमिटीले चुलाचुली सरकारको ध्यानाकर्षण गराएकोछ। यो विषम परिस्थितिमा अधिक रूपमा क्षति व्यहोरी रहेका कृषकहरुको अभिलम्भ पहिचान गरी गाउँ सरकारलाई राहत समेत दिलाउन अनुरोध गर्दै पालिका कमिटी अध्यक्ष देउमान गिरीले चुलाचुली गाउँपालिका अध्यक्ष राजेन्द्र केरुङ र प्रमुख प्रशासकीय अधिकृत दिलकुमार लिम्बुलाई ध्यानाकर्षण पत्र बुझाउनुभएको छ।
