काठमाडौं, जेठ १७ । नेपालमा थप १८९ जनामा कोरोना भाइरसको संक्रमण पुष्टि भएको छ । यो सँगै कोरोना संक्रमितको संख्या १ हजार ४०१ पुगेको छ ।
स्वास्थ्य तथा जनसंख्या मन्त्रालयले नियमित लाइभ अपडेटमा नेपालमा हालसम्म १ हजार ४०१ जनामा कोरोना भाइरसको संक्रमण पुष्टि भएको जानकारी दिएको हो ।
हालसम्म नेपालको ५३ जिल्लामा फैलिएको कोरोना भाइरसको संक्रमणबाट ६ जनाको मृत्यू भएको छ । त्यसैगरी हालसम्म २१९ जना निको भएर डिस्चार्ज भएको मन्त्रालयले जनाएको छ ।
