मेचीनगर। मेचीनगर नगरपालिका वडा नम्बर -६ काँकरभिट्टा स्थित इलाका प्रहरी कार्यालयको हिरासतमा रहेका एक युवाको मृत्यु भएको छ।
साउन १३ गते पुरानो मेचीपुलबाट लागूऔषध खैरो हेरोइन सहित पक्राउ परेका मेचीनगर ७ पालिया स्थित आदर्श टोल बस्ने २८ बर्षीय झक बहादुर खड्काको मृत्युु भएको हो ।
लागूऔषध मुद्दामा सम्मानित झापा जिल्ला अदालतबाट ५ दिनको म्याद थप गरि इलाका प्रहरी कार्यालय काँकरभिट्टाको हिरासतमा रहेका उनको आज बिहान १:५५ बजे निधन भएको प्रहरीले जनाएको छ। अन्दाजी १:४० बजे निजको स्वास्थ अवस्था असहज भई तत्काल आम्दा अस्पताल धुलाबारीमा उपचारको क्रममा १:५५ बजे डाक्टरले मृत घोषणा गरेको प्रहरीले जनाएको छ । सो सम्बन्धमा थप आवश्यक कानुनी प्रक्रिया अघि बढाइएको पनि प्रहरीले जनाएको छ।
